Flamuri i Kosovës do të valojë për herë të parë tek City Hall - Municipal Plaza
Për herë të parë, sivjet, në Calgary, për Festën e Pavarësisë së Kosovës, zyrtarisht do të ngritet flamuri i Kosovës.
Falë angazhimit të Shoqatës Shqiptaro-Kanadeze, në mesditën e së dieles, më 17 Shkurt, flamuri i Kosovës do të valojë para City Hall, tek Municipal Plaza.
Me këtë rast, me leje të zyrtarëve të qytetit, ngritja solemne e flamurit do të bëhet nga zyrtarë komunalë, ndërsa ftojmë bashkëkombasit tanë që të marrin pjesë në shënimin e kësaj ngjarje të rëndësishme për komunitetin tonë këtu.
